«Адал ұрпақ» ерікті мектеп клубы      

мектеп ортасында рухани-адамгершілік және азаматтық-патриоттық тәрбие  тұрғысынан        

сыбайлас жемқорлыққа қарсы мәдениетті   қалыптастыру бағдарламасы

1. Жалпы ережелер

              Осы рухани-адамгершілік және азаматтық-патриоттық тәрбие тұрғысынан  мектеп ортасында сыбайлас жемқорлыққа қарсы мәдениетті қалыптастыру бағдарламасы (бұдан әрі – Бағдарлама) Тәрбиенің тұжырымдамалық негіздеріне сәйкес әзірленді және бастауыш, негізгі орта, жалпы орта білім беру бағдарламалары бойынша оқитын балалар үшін сыбайлас жемқорлыққа қарсы сипаттағы тәрбиелік іс-шараларды ұйымдастыруды қамтитын тәрбие жұмысын жүргізу тәртібін айқындайды.

2.Тәрбие жұмысының мақсаты мен міндеттері

Осы бағдарламаның мақсаты: жоғары адамгершілік, жауапты, бастамашыл және әлеуметтік құзыретті азамат пен патриот қалыптастыру және дамыту үшін мектепте жағдай жасау  

Көрсетілген мақсатты іске асыру үшін мынадай міндеттер қойылады:

• рухани-адамгершілік және азаматтық-патриоттық тәрбиеге бағытталған шараларды іске асыру;
• білім алушылардың мемлекеттік билік институттарына сенімін нығайту;
• білім алушыларда саяси-құқықтық білімді қалыптастыру;
• білім алушыларда сыбайлас жемқорлыққа қарсы мінез-құлықтың адамгершілік-этикалық құндылық негіздерін қалыптастыру.

Іс-шаралар кешенін өткізу үшін келесі тәрбие түрлері қолданылады:

• адамгершілік тәрбие моральдық-этикалық ұстанымдарды қалыптастыруға, әрбір оқушының бойында сыбайлас жемқорлыққа нөлдік төзімділікті қалыптастыруға бағытталған;
• әлеуметтік-құқықтық тәрбие азамат пен мемлекет арасындағы қарым-қатынастардың мәні туралы түсінік алуға, құқықтары мен міндеттері туралы білім алуға, құқықтық нормаларды сақтау қажеттігіне сендіруге, сыбайлас жемқорлықтың қоғамдық қауіптілігін сезінуге бағытталған;
• эстетикалық тәрбие оқушылардың эстетикалық талғамын және қоршаған шындыққа деген тілектестік және патриоттық қарым-қатынасын тәрбиелеуге ықпал ететін өнер, әдебиет шығармаларының сұлулығын түсінуді дамытуға бағытталған.

3. Тәрбие жұмысын ұйымдастыру

1. Тәрбие жұмысын ұйымдастыру бастауыш, негізгі орта және жалпы орта білім берудің жалпы білім беретін оқу бағдарламаларын іске асыратын оқу орындарында (бұдан әрі - жалпы білім беретін мектептер) жүзеге асырылады.
2. Тәрбие жұмысын басқару жалпы білім беретін мектеп басшылығы мен сынып жетекшілігін жүзеге асыратын педагогикалық қызметкерге жүктеледі.
3. Жалпы білім беретін мектептерде мектеп ортасында сыбайлас жемқорлыққа қарсы мәдениетті қалыптастыруға, яғни сыбайлас жемқорлыққа төзбеушілікті көрсететін құндылықтар жүйесін сақтауға және нығайтуға, оның ішінде мектеп оқушыларының заң талаптарын сақтауға, білім беру және мәдени деңгейін арттыруға ұмтылысын қалыптастыруға бағытталған іс-шаралар кешені жүргізіледі.
4. Жалпы білім беретін мектептерде тәрбие жұмысын ұйымдастыруға қатысатын «АдалҰрпақ» ерікті мектеп клубтары құрылады.
5. Тәрбие жұмысының ұйымдастырушылық негізі:

• тиісті оқу жылына арналған жалпы білім беретін мектептің тәрбие жұмысының кешенді жоспары;
• сынып жетекшілігін жүзеге асыратын педагогикалық қызметкердің тәрбие жұмысының жоспары;
• «Адал Ұрпақ» ерікті мектеп клубының жұмыс жоспары.

6. Осы Бағдарламаның 9-тармағында көзделген жоспарлар мектеп ортасында сыбайлас жемқорлыққа қарсы мәдениетті қалыптастыру бойынша тәрбие жұмысының Модельдік жоспарына сәйкес қалыптастырылады (қоса беріліп отыр).
7. Жоспарда тәрбие жұмысының негізгі бағыттары, сыбайлас жемқорлыққа қарсы мәдениетті қалыптастыруға бағытталған күнтізбелік іс-шараларды өткізу, қоғамдық ұйымдармен, сыбайлас жемқорлыққа қарсы іс-қимыл жөніндегі уәкілетті органмен және өзге де мемлекеттік органдармен өзара іс-қимыл көрсетіледі.
8. Тәрбие жұмысын жүргізуге азаматтар мен қамқоршылық кеңестер, ата-аналар комитеттері, қоғамдық бірлестіктер, сыбайлас жемқорлыққа қарсы іс-қимыл жөніндегі уәкілетті орган және өзге де мемлекеттік органдар қатыса алады.
9. «Адал Ұрпақ» ерікті мектеп клубы құрылымы

 «Адал Ұрпақ» ерікті мектеп клубы келесі сипаттағы секциялардан тұрады: сыбайлас жемқорлыққа қарсы білім; сыбайлас жемқорлыққа қарсы ақпарат және шығармашылық; мәдени-бұқаралық іс-шаралар:

1) Сыбайлас жемқорлыққа қарсы білім секциясы дәрістер, «дөңгелек үстелдер» және басқа да ағартушылық іс-шараларды ұйымдастыруға қатысады.

2) Сыбайлас жемқорлыққа қарсы ақпарат және шығармашылық секциясы үздік бейнероликтер, суреттер, шығармалар бойынша іс-шаралар мен конкурстарды ұйымдастыруға қатысады.

3) Мәдени-бұқаралық іс-шаралар секциясы акцияларды, флэш-мобтарды, диалогтық алаңдарды, қоғамдық, ардагерлер ұйымдарының, мемлекеттік органдар мен ұйымдардың өкілдерімен кездесулерді және басқа да әлеуметтік маңызды іс-шараларды ұйымдастыруға қатысады.